ಧಗೆ..

ಒಳಗೆ ಬಗೆ ಬಗೆಯ ಧಗೆ

ಮರೆಮಾಚಲು ಅರ್ಥಕ್ಕೆ ನಿಲುಕದ ನಗೆ 

ಮರುಳಾದೆ, ಮಾಸದ ಈ ನಿಗೂಢ ವರ್ತನೆಗೆ..

ನಾ ಕಂಡ ಹಾಗೆ..

 ನಾ ಕಂಡ ಹಾಗೆ ನಮ್ಮೆಲ್ಲರ ಪೋಷಕರಲ್ಲಿ ಅದೊಂದು ಹುಚ್ಚು ಹಂಬಲ ನಿರಂತರವಾಗಿ ಪುಟಿಯುತ್ತಿರುತ್ತದೆ .ತಮ್ಮ ಎಲ್ಲಾ ಆಸೆಗಳಿಗು ಪರದೆ ಎಳೆದು ,ಮಕ್ಕಳ ಚಿಗುರಿನಂತಹ ಕನಸುಗಳಿಗೆ ಸಿಬಿರಿನಂತೆಹೆ ಕಾವಲಾಗುವುದೊಂದೆ ಇವರ ಜೀವನದ ಮುಖ್ಯ ಉದ್ದೇಶವಾಗಿ ಉಳಿದುಬಿಡುತ್ತದೆ.ಯಾವೊಂದು ಗಳಿಗೆಯಲ್ಲೂ ತಾವು ಅನುಭವಿಸಿದ ಅದಾವ ಕಷ್ಟ ಪರಿಸ್ಥಿತಿಗೂ ತಮ್ಮ- ತಮ್ಮ ಮಕ್ಕಳು ಸಿಲುಕ ಬಾರದೆಂದು ಹಂಬಲಿಸಿ,ಇದನ್ನೇ ಗುರಿಯಾಗಿ ಸ್ವಿಕರಿಸಿಬಿಡುತ್ತಾರೆ.

ಆದರೆ ನನಗ್ಯಕೋ ಈ ಮದ್ಯೆ ಇವಾವ ಹಂಬಲಗಳು ದೊಡ್ಡ ಗುರಿಯಂತೆ ತೋರುತ್ತಲೇ ಇಲ್ಲ!

ಕೆಲ ಕ್ಷಣ ನಿಮ್ಮ ಮನಸ್ಸನ್ನು ಚಿಂತೆಗೆ ದೂಡಿ ಸ್ನೇಹಿತರೆ , ನಮ್ಮ ಪೋಷಕರು ನಮ್ಮೆಡೆಗೆ ತೋರುವ ಆಸಕ್ತಿ ,ಮುಂದೆಯೂ ನಿರಂತರವಾಗಿ ತೋರಬಹುದಾದ ಆ ಒಲವು ಬರಿ ನಮಗಷ್ಟೆ ಏಕೆ ಸೀಮಿತವಾಗಿರ ಬೇಕು?

ಇವರು ತೋರುವ ಆ 100% ಪ್ರೀತಿಯಲ್ಲಿ ಅದೆಷ್ಟೋ ಅನಾಥ ,ABNORMAL ಮಕ್ಕಳಿಗೆ ಒಂದು ಪಾಲು ಕೊಡಲು ನಿರ್ಧರಿಸಿದ್ದರೆ,ಅದೊಂದು ಎತ್ತರದ ಚಿಂತನೆಗೆ ವೇದಿಕೆ ಸಿದ್ದಪಡಿಸಿದಂತಾಗುತಿತ್ತು ,ಅಲ್ಲವೇ?

ಇದನ್ನೇ ಅಲ್ಲವ "broad minded thinking" ಅನ್ನೋದು ?

ಇಂತಹ ಅಸಾಧಾರಣ ತಿಳಿವಳಿಕೆಯೊಂದು ಮೂರ್ಖತನದ ಮುಸುಕಿನೊಳಗಿಂದ ಕೆಲಸ ಮಾಡಿದಾಗಲೇ ಅಲ್ಲವೆ ಒಂದಷ್ಟು ಬುದ್ದಿಜೀವಿಗಳ ವ್ಯಕ್ತಿತ್ವ Elevate ಆಗೋದು! ಏನಂತೀರ?

'ಮಾಯೆ'

ಚಿತ್ರ ಶರತ್ ಎಂ

                                                
    'ಮಾಯೆ'ಗುಂಟೆ ಕೈಕಾಲು ರೂಪ !
    ಆದರೂ ಕುಣಿಸುವುದು ಬೇಕಂತೆಯೆನ್ನ
    ಅದರದೇನು ನಿಲುವೋ ,ಹಾಸಿದ್ದರು ಮುಗಿಲೆತ್ತರ ತೆರೆಯ
    ಸರಿಸಿ ಕೇಳುವುದೆನ್ನ :'ಒಳಬರಲೇನೆ ಚಿನ್ನ'..

ಆಸೆ ನನಗೆ..

ಒಡಲಾಳದ ಆಸೆಗಳ ಬಯಲಿಗಿಟ್ಟ ಕೂಸು ನಾನು

ಒಂದಹನಿಯು ಬಿಡದೆ ,ಒಂದೊಂದನ್ನು ಹೆಕ್ಕಿ ಅನುಭವಿಸುವ ಆಸೆ ನನಗೆ..

ನಗೆಯ ಬಿಡಿ ಹೂವ ಮುಡಿದು ಸಾಗಿರುವೆ ನಾನು

ನಗು ಬಾಡದಿರಲಿ ,ಅಳು ಬಾರದಿರಲೆಂಬ ಅಸ್ವಾಭಾವಿಕ ಆಸೆ ನನಗೆ..

ನೆನಪು..

                          ಬಂದು ಹೋಗುತಿಹುದಿಂದು ಮಳೆಬಿಲ್ಲ ನೆನಪು ,ಬಿತ್ತಿ ನೂರು ಆಸೆ ಮಾಯೆ ಈಗೆಲ್ಲಿ ಇಹುದೊ...

ದನಿ ಎಲ್ಲ ನಾದವೆ ..

                                                         ದನಿ ಎಲ್ಲ ನಾದವೆ
                                                         ನೋಟವೆಲ್ಲ ಹೂಹಾದಿಯೆ
                                                         ಬಳ್ಳಿಯಲ್ಲಿ ಬರಿ ಮೊಗ್ಗೇ ಹಿಗ್ಗಿ,
                                                         ಹಗಲಲ್ಲು ಚಂದ್ರೋದಯವೆ...
                                                         ಒಲವೊಂದು ಸುರಿದಾಗ,ಕನಸೊಂದು ಪುಟಿದಾಗ !
                                                         ಮಾತು ಬರಿದಾದ ಮೌನವೆ
                                                         ಹಗಲು ಕವಿದ ಕತ್ತಲೆಯೆ
                                                         ತಾರೆಗಳನೆಲ್ಲ ಅಟ್ಟಿ,
                                                         ಇರುಳೆಲ್ಲ ಬರಿ ಬೆಳದಿಂಗಳ ಚಿತೆಯೆ...
                                                         ಒಲವೊಂದು ಹರಿದಾಗ,ಕನಸೊಂದು ಮಡಿದಾಗ !

                                                  

ನೋಡಿ ..

chitra Ananthakrishna Aithal

                                                           ಬೆಳಗಿನ ನೀಲಿ Uniform ಕಳೆಚಿ
                                                                   ಕರಿಯ ರಗ್ಗು ಹೊದ್ದು
                                                    ಗುಡುಗು ಸಿಡಿಲ ಗೊರಕೆ ಹೊಡೆಯುತಿಹನು
                                                               ನೋಡಿ,ಕಾಲಚಕ್ರ ಮೊಗೆಚಿ ..