ಹೊದ್ದೇನ ಮಲಗಲಿಂದು,
ಹನಿ ಬಿದ್ದು ಹೂ ಎದ್ದು
ಕುಣಿಯುತಿರೆ ಮೋಜಿನಲಿ
ಕಾಫಿಗತ್ತಲ ಕರಸ್ಪರ್ಶದ
ಕನಸು ವಿಫಲವಾಗುತಿಹುದು
ವೇಣಿ ಗಾಳಿಯ ಏಕಾಂತದಲಿ
ಕದ್ದೇನ ತರಲಿಂದು,
ಕಾರ್ಮೋಡದ ಕಿರು ದಾರಿ
ಕತ್ತಲಿನಲಿ ನಿನಗಾಗಿ
ಒಂಟಿ ತಾರೆ ದೀಪ ಹಿಡಿದು
ಬಂದರಷ್ಟೇ ಸಾಕಲ್ಲವೆ
ಭೂಮಂಡಲ ಬಳಸಿ ಬರುವ
ನಿಶೆಯೊಡಲಿನಲಿ
ಭ್ರಮಿಸುವಷ್ಟು ಸೆಳೆಯುವ
ತೊಳಾಸರೆಯೊಂದಿದೆ
ಬಳಿಹೋಗುವಮುನ್ನ ಅದ್ಯಾಕೋ
ನಾಚಿಕೆ ಮೈಯ ತಬ್ಬಿ ನಿಂತಿದೆ
ಒಂದೆರಡು ಮುತ್ತ ಒತ್ತಿ
ಕೊಟ್ಟರೆ ದೂರ ಸರಿಯುವುದೇನೊ
ಪ್ರಶ್ನೆಗುತ್ತರ 'ತಿದ್ದಿ
ಬರೆದ ತಪ್ಪಿನೊಳಗಿದೆ '
ತೊಟ್ಟಿಕ್ಕುವ ಎಲೆ
ಎದೆಹನಿಯ ಮುಡಿಗಿಟ್ಟು ಬರುವೆನಾಗ
ಮುಂಗುರುಳಿನ ಬೆರಳ ಜೋಗುಳದ
ಸೋಗಿನಲಿ
ಹಸಿಯುಸಿರ ಬಿಗಿಯಪ್ಪುಗೆಗಳಲಿ
ನಿನ್ನ
ಪಿಸುಮಾತಲ್ಲುಸುರುವ ಶಾಖ ಹೊದ್ದು
ಮಲಗುವೆನಾನಗ..