ನಾ ದೋಣಿಯಾದೆ ಅಂದಿನಿಂದ..

ನೀಲಿ ಬಾನಿಗಿರದ ಭಾಗ್ಯ

ಒಲಿದು ಬಂತು ನನಗೆ

ಉತ್ಫುಲ್ಲ ತೋಳ ತೆಕ್ಕೆಯಲ್ಲಿ

ನದಿ ಎದೆಯ ಹಾಡ ಕೇಳುವ ಆ ಸುಧೆ

ಸೋಕುವವರೆಗೂ ನಿರ್ಭಾವ

ಸೋಕಿದಂದಿನಿಂದ ಇಬ್ಬರದೊಂದೇ ಭಾವ

ಕಚಗುಳಿ ಅಲೆಅಲೆ ತೋಯ್ದ ಮನಗಳಲ

ನಿನ್ನ ಹಿಡಿಕೆಯಲಿ ನನ್ನ ಕೈಬೆರಳುಗಳಿರಲಿ

ನುಡಿಸುತಲೆಂದೂ ಸ ರಿ ಗ ಮ ಪ

ಗೆಲುವು ಕಂಡಿದೆ ಈಗ ಈ ಕ್ಷಣ

ಹಗಲು ಇರುಳು ನಿನ್ನ ಕೂಡಿ ತೇಲುವಾಕ್ಷಣ  

ಸೇರಿ ಮಿಂದು ಮತ್ತೆಮತ್ತೆ

ಅದೇ ಗೆಲುವನು ಗುರಿಯಾಗಿಸುವ ಬಾರ

ಗಾಳಿ ಒಡನೆ ಕೂಡಿ ಆಡಿ

ಎಟುಕದಾದೂರಕೆ ಕೈ ಹಿಡಿದುಕರೆತಂದ

ಸುತ್ತ ಪಚ್ಚೆ ಹಸಿರು ಕೆಂಪು ಕಮಲ

ನೋಡುತಿರೆ ಬಾನಿನತ್ತ

ಹೊಕ್ಕಿ ಮೈಯ ತುಂಬಾ ಅಲೆಮುತ್ತನಿಟ್ಟ ನನ್ನಾಳುವ ಜಲತರಂಗ..