ಬಯಕೆ..

ಕತ್ತಲ ಕೂಪದಿಂದೆದ್ದು ಬಂದವನ

ಕ್ರೌರ್ಯ ಮರೆತುಬಿಡು ಎನಬೇಡಿ

ಉಸಿರು ಒಡಲ ಮರೆಯುವುದಾ

ಮರೆತರು ಕೆದಕಿ ಕೇಳುವುದ ನೀವೂ ಮರೆಯುವಿರಾ ?

ತಾಗದಂತೆ

ಬಂದು ಒಡಲ ಸೇರೋ ಓ ಕ್ರೂರಿ

ಮಿಂಚು ಹುಳುವ ಕೂಡಿ ಕತ್ತಲ ಬೆಳಕಿಗೆಳೆಯುವ ಜೊತೆಗೂಡಿ !

ಹಾದರದ ಹಾದಿಯಲಿ ಸರಿದಾಡಿ ಬಂದವಳ

ತಲೆತಗ್ಗಿಸಿ ನಡೆ ಎನಬೇಡಿ

ಕೈ ಮೈಯ ಮೇಲಿನ ಸೆರಗು ಮರೆಯುವುದಾ

ಮರೆತರು ಹೊಲಸ ಉಸುರುವುದ ನೀವೂ ಮರೆಯುವಿರಾ ?

ಗತ್ತಿನಿಂದ

ಕೈಬಿಗಿದು ಓರೆ ಬಾರೆ ಓ ಸಖೀ

ಲೆಕ್ಕಿಸದೆ ಹೂ ದಂಡೇ ಚೆಲ್ಲಿ ಸಾಗುವ ಮೈಲಿಗೆಯ ಹೊಸ್ತಿಲುಗಳಲಿ!